- 140 -
[1431] (22. stycznia) Lwówek ¦l±ski, w dzień ¶w. Wincentego.
Burmistrz i rajcy miasta Lwówek ¦l±ski zwracaj± się do burmistrza i rajców miasta Görlitz o pomoc zbrojn± w obliczu zagrożenia husyckiego.
— Unsere freuntliche dinst zuvor. Erbaren, weissin hern, besundern liben freunde, wir thun ewch zcu wissen, das wir von unserin (!) merklichen und bestendigen freunden worhofticlichen an mere enden gewornet sein. Dieselben wornungen alle uber eyne treffen, wie das sich die argen vordampten ketzzer met backen und met anderer beretunge schicken, und meynen uns met 6 od. mit 700 pferden gentzlichen zcu berennen uff die rede, das unser landmanne und gebauern zcu uns nicht komen mochten, und wellen ere waeneTj. Wagen = wozy u. drawanten eynen tag hinder en lassen, uff das sie ungewornet vor uns komen mochten, dorumb wir bethen ewer weisheit mit dinstlichem fleisse, er wellet uns eynen oder czwene buchsenmeister, doruff wir uns gewegen mochten, wenne der unser, als er selbst wol wisset, bey ewch gelernet ist, das her uns wenig nutcze werden mochte, von stadan unvorczogenlichen senden, und ab er vornemen wordet, das sich die ketzzer zcu uns kerten, ewrn reisigen geczewge eylende czu uns schicken, u. keyn uns thut, als wir gen ewch gethan habin, noch thun wellen u. freuntlichen alle czeit vordinen. Auch vornemet er ichte von ewern spehen, das uns zcu wornunge komen mochte, das lat uns uff unser gelt an alles salviren wissen, wenne wir vornemen, das eyn hawffe kome vor HirssbergJelenia Góra, der ander vor die Cratzze in das land, die uns belegen werden.
Gebin under unser stat secret in die St. Vincencii. Doch hoffe wir zcu dem barmherczigen gote, ob sie sich villeichte des gefrustes trossten, sie sollen des nemen kleinen frommen u. wol von uns geletzzet werden.
Burgermeister und ratmanne der stat LewenbergLwówek ¦l±ski.